सेयर बजार भारी अंकले घट्यो

काठमाडौं । आइतबार सेयर बजार ७५.७९ अंकले घटेको छ । बजार घट्दा पनि विभिन्न ६ कम्पनीका लगानीकर्ताले भने कमाएका छन् ।

आज महिला लघुवित्त वित्तीय संस्था र विशाल बजार कम्पनीको सेयर मूल्यमा उछाल आएको छ । आज महिला लघुवित्तको सेयर मूल्य ९.९९ प्रतिशत र विशाल बजार कम्पनीको ९.९७ प्रतिशतले बढेको छ । सेयर मूल्यमा उछाल संगै महिला लघुवित्तको प्रतिकित्ता २ हजार १३६ रुपैयाँ र विशाल बजारको प्रतिकित्ता ३ हजार ४८४ रुपैयाँ पुगेको छ ।

यी दुई कम्पनीसहित कालिका पावर, मिर्मिरे माइक्रोफाइनान्स डेभलपमेन्ट बैंक, गुड वील फाइनान्स र एनएमबि हाइव्रिड फण्डका लगानीकर्ता कमाएका छन्। यी आधा दर्जन कम्पनी बाहेक अन्य सबै कम्पनीका लगानीकर्ताले गुमाएका छन् ।

यो पनि पढ्नुहोस् पूँजी बजारमा लगानीकर्ताको आकर्षण बढ्दै गईरहेको बेला फेरि विभिन्न कम्पनीको साढे ५ अर्ब रुपैयाँ बढीको आईपीओ आउने भएको छ ।

सेयर बजारमा विभिन्न १५ कम्पनीको ५ अर्ब ६३ करोड ३१ लाख ९५ हजार ५ सय रुपैयाँ बराबरको आईपीओ धितोपत्र बोर्डको पाइपलाइनमा रहेका छन् ।धितोपत्र बोर्डको पाइपलाइनमा रहेको १५ कम्पनीहरुमध्ये अधिकांश जलविद्युत रहेका छन् । बोर्ड अनुसार एक दर्जन जलविद्युत कम्पनी,दुई लघुवित्त कम्पनी र अन्य कम्पनी रहेका छन् ।

पाइप लाइनमा रहेका कम्पनीहरुमा सिईडीबी हाईड्रोपावर डेभलपमेन्ट कम्पनी २०७४ साल असार २७ गते देखि बोर्डको पाइप लाइनमा रहेको छ । यस्तै मैलुङखोला जलविद्युत कम्पनी २०७४ असोज २० गतेदेखि बोर्डको पाइपलाइनमा रहेको छ ।

यी दुई वटा मात्रै पुराना कम्पनी रहेका छन् । अन्य कम्पनी पनि बोर्डको पाइपलाइनमा २०७६ र २०७७ सालदेखि बोर्डको पाइपलाइनमा रहेका छन् ।

पाइपलाइनमा सबै भन्दाबढी मध्येभोटेकोशी जलविद्युत कम्पनीको १ अर्ब ५० करोड रुपैयाँको १ करोड ५० लाख कित्ता र यस्तै सबैभन्दा कम मनकामना स्मार्ट लघुवित्त वित्तिय संस्था ३ करोड ८९ लाख रुपैयाँको ३ लाख ८९ हजार कित्ता आईपीओ ल्याउने तयारी गरेको छ ।

यी १५ वटै कम्पनीको आइपीओ नियामक निकाय नेपाल धितोपत्र बोर्डबाट स्वीकृति पाएपछि मात्र निष्कासन गर्नेछन् ।

You May Also Like

Leave a Reply

Your email address will not be published. Required fields are marked *