सिईडीबी हाइड्रोको आईपीओ आवेदन दिनेको लर्को, पहिलो दिन कतिले दिए आबेदन ?

काठमाडौं । हिजदेखि निष्काशन भएको सिईडिवि हाईड्रोपावर डेभलपमेन्टको आईपीओमा पहिलो दिनमा ३ लाख ९० हजार १० जनाले आवेदन दिएका छन् ।

शुक्रबार ५ बजेसम्म त्यतिका आवेदकबाट ६५ लाख १३ हजार ९२१ कित्ताका लागि आवेदन आएको हो । रकमका आधारमा ६५ करोड १३ लाख रुपैयाँको आवेदन परेको हो ।जुन कम्पनीले माग गरेको भन्दा करिव ३ गुणा बढी हो । कम्पनीले शुक्रबारदेखि सर्वसाधारणका लागि २५ लाख १८ हजार २३० कित्ता आइपीओ निष्कासन गरेको थियो ।

कुल आईपीओमा ५० हजार ३६५ कित्ता कर्मचारी र १ लाख २५ हजार ९११ कित्ता सामुहिक लगानी कोषको लागि छुट्याएको छ । त्योअनुसार २३ लाख ४१ हजार ९५४ कित्ता शेयरमा सर्वसाधारणले आवेदन दिन सक्नेछन ।

आवेदन दिने मिति छिटोमा बैशाख २१ गतेसम्म खुल्ला गरिने छ । सो अवधिमा पूर्ण आवेदन नपरेमा बैशाख ३१ गते सम्म आवेदन दिन सक्ने कम्पनीले जानकारी गराएको छ ।

सर्वसाधारणले न्यूनतम १० कित्ताका लागि आवेदन दिन सक्नेछन् भने अधिकतम २५ लाख १८ हजार २३० कित्ता शेयर खरीदका लागि आवेदन दिनुपर्नेछ । कम्पनीले निष्कासन गर्ने आइपीओलाई केयररेटिङ नेपालले केयर एनपी डबल वि आइएस रेटिङ प्रदान गरेको छ ।

यसले कम्पनीको दायित्व बहन गर्ने क्षमतामा औषत जोखिम रहेको जनाउछ । धितोपत्र निष्कासन तथा विक्री प्रबन्धक स्नराइज क्यापिटल लिमिटेड रहेको छ ।

You May Also Like

Leave a Reply

Your email address will not be published. Required fields are marked *