कांग्रेस केन्द्रीय कार्यसमिति बैठक बस्दै, यस्ता छन् छलफलका एजेण्डा

काठमाडौं । नेपाली कांग्रेस केन्द्रीय कार्यसमिति बैठक आज (शुक्रबार) पनि बस्दैछ ।

बिहिबारदेखि शुरु भएको बैठक आज दिउँसो १ बजे बस्ने तय भएको केन्द्रीय सदस्य किरण गिरीले जानकारी दिनुभयो । बैठक पार्टी मुख्य कार्यालय सानेपामा बस्ने छ । आजको बैठकले संसोधीत महाधिवेसन कार्यतालिका निचोड दिने बताइएको छ ।

यसअघि हिजो बसेको बैठकमा १४ औं महाधिवेशनको संशोधित कार्यतालिकामाथि छलफल भएको थियो । कांग्रेसले भदौ १६ देखि १९ गतेसम्म महाधिवेशनको मिति तोकेको छ ।

नयाँ तालिका अनुसार तल्लो अधिवेशन साउन १२ गतेदेखि गर्ने प्रस्ताव छ । कांग्रेस सहमहामन्त्री डाक्टर महतले साउन १२ गतेदेखि स्थानीय तहको निर्वाचन सुरु गर्ने र भाद्र १६ गते महाधिवेशन सुरु गरेर १९ गतेसम्म महाधिवेशन गर्ने प्रस्ताव बैठकमा आएको जानकारी दिनुभयो ।

यता, कृयाशील छानमिन समितिले आजबाट प्राप्त उजुरीउपर छलफल थाल्ने भएको छ । समिति संयोजक रमेश लेखकका अनुसार ६ गतेसम्मलाई कृयाशील सदस्यता उपर उजुरी गर्ने समय तोकिएको छ ।

पार्टीमा कृयाशील सदस्यता १ सय ६५ निर्वाचन क्षेत्रबाट इन्ट्री गर्नुपर्ने भएपनि हालसमम्म १ सय ४९ स्थानको मात्र इन्ट्री गरिएको छ ।

कृयाशील छानबिन समितिले भने आफ्नो कारण महाधिवेशन नरोकिने दाबी गर्नुभयो ।

You May Also Like

Leave a Reply

Your email address will not be published. Required fields are marked *