कोभिड विरुद्धको भेरोसिल खोप अभियानको दोस्रो चरणको पहिलो दिन मुसिकोटका ६५ जनाले लगाए खोप

भुवन काफ्ले गुल्मी । गुल्मीको मुसिकोट नगरपालिकामा कोभिड विरुद्धको भेरोसिल खोप अभियानको दोस्रो चरणको पहिलो दिन ६५ जनाले खोप लगाएका छन ।

आज देशभर संचालन भएको कोभिड विरुद्धको भेरोसिल खोप अभियानको दोस्रो चरणको पहिलो दिन गुल्मी मुसिकोटका ६२-६४ उमेर समुहका ६५ जनाले भेरोसिल खोपको दोस्रो डोज लगाएको वामीटक्सार स्वस्थ्य चौकि प्रमुख डाक्टर राजन ओलियाले नबखबरलाई जानकारी दिनुभयो । ।

मुसिकोट नगरपालिकामा जेठ २५ गते संचालन भएको कोभिड विरुद्धको भेरोसिल खोप अभियानको पहिलो चरणमा ६२ देखि ६४ बर्षसम्मका जम्मा ८२ जनाले खोप लगाएका भएपनि आज दोस्रो चरणको पहिलो दिन ६५ जना मात्र खोप अभियानमा सहभागि भएको डाक्टर ओलियाले जानकारी दिनुभयो ।

भेरोसिल खोप अभियानको पहिलो चरणमा खोप लगाउनु भएका तर दस्रो चरणको पहिलो दिन खोप लगाउन छुट्नु भएका सबैमा भोलि आफुले पहिलो पटक खोप लगाएको खोप केन्द्रमा गई खोप लगाउनु हुन वामीटक्सार स्वस्थ्य चौकिजा प्रमुख डाक्टर राजन ओलियाले अनुरोध गर्नु भएको छ ।

यो पनि पढनुहोस् – नयाँ भेरियन्ट सहितको कोरोना भाइरसको चेनब्रेकको लागि भन्दै गुल्मीमा निषेधाज्ञा असार ३१ गतेसम्म लम्बाइएको छ ।

जिल्ला कोभिड १९ संकट ब्यबस्थापन केन्द्रको बैठकले असार ३१ गते राती १२ बजेसम्म निषेधाज्ञा थप गर्ने निर्णय गरेको प्रशासनले जनाएको छ। यस अगाडी थप गरिएको निषेधाज्ञाको समय भने आज राति १२ बजे सकिदैछ ।

थप गरिएको निषेधाज्ञालाई कडाइका साथ लागु गरिने जिल्ला प्रशासन कार्यालय गुल्मीले जनाएको छ।
यसपटकको लकडाउनलाई परिमार्जन समेत गरिएको छ। निषेधाज्ञाको समय अबधिभर व्युटिपार्लर र सैलुन बाहेक अन्य पसलहरु बिहान ७ बजेदेखी दिउँसो १ बजेसम्म संचालन गर्न पाउने छन् ।

यस्तै बैङक वित्तिय संस्था ,सहकारी, वीमा कम्पनीहरु अफिस समयमा कार्यलयबाट मात्र सेवा दिनेगरि दिउँसो ३ बजेसम्म सन्चालन गर्न पाउने भएका छन। जिल्ला भित्र निर्माण सामाग्री ,पुस्तक ,कृषि जन्य पदार्थ बोक्ने जिप तथा ट्रक सुरक्षा मापदण्ड अपनाएर सन्चालन हुन पाउने भएका छन।

जिल्लामा अत्यावश्यक सेवा बाहेक अन्य सबै सेवाहरु बन्द रहनेछन् । निषेधाज्ञाको कसैले अबज्ञा गरे संक्रामक रोग ऐन २०२० र स्थानीय प्रशासन ऐन २०२८ अन्तरगत कारवाही गर्ने प्रशासनले चेतावनी दिएको छ ।

You May Also Like

Leave a Reply

Your email address will not be published. Required fields are marked *