विद्या भण्डारीले निहुँ खोजेपछि देउवाका महान्यायाधिवक्ताको शपथ सर्वाेच्च अदालतमा

काठमाडौं – राष्ट्रपति विद्यादेवी भण्डारीले नियुक्त गरेका प्रधानमन्त्री शेरबहादुर देउवाका महान्यायाधिवक्ता खम्मबहादुर खातीलाई शपथ खुवाउन शितलनिवासमा ठाउँ नदिएर निहुँ खोजेपछि सर्वाेच्च अदालतमा शपथ गराइएको छ ।

निवर्तमान प्रधानमन्त्री केपी शर्मा ओलीका महान्यायाधिवक्ताको शपथ शितलनिवासमै भएपनि देउवाका महान्यायाधिवक्ताको शपथका बेला राष्ट्रपति भण्डारीले निहुँ खोेजेकी थिइन् । विगतको प्रचलन विपरीत राष्ट्रपति भण्डारीले नवनियुक्त महान्यायाधिवक्ता खातीको शपथग्रहण समारोह शितलनिवासमा राख्न अस्वीकार गरिन् ।

त्यसपछि खातीले सर्वोच्च अदालतमा प्रधानन्यायाधीश चोलेन्द्रशमशेर जबराबाट शपथ ग्रहण गरेका छन् ।

राष्ट्रपति कार्यालयले प्रधानन्यायाधीशले शपथ खुवाउने भएकाले उतै परिपत्र गरिएको जानकारी खातीलाई दिएपछि सर्वाेच्च अदालतमा शपथ भएको छ । यसअघि राष्ट्रपतिको उपस्थितिमा प्रधानन्यायाधीशले शपथ खुवाउने परम्परा थियो ।

निवर्तमान ओली सरकारका पालामा नियुक्त २ महान्यायाधिवक्ता अग्नि खरेल र रमेश बडालले राष्ट्रपति भण्डारीको उपस्थितिमा प्रधानन्यायाधीशले राष्ट्रपति कार्यालय शितलनिवासमा नै शपथ खुवाएका थिए ।- मिडिया डबली

You May Also Like

Leave a Reply

Your email address will not be published. Required fields are marked *