खुसिको खबर ,१ करोड ५७ लाख कित्ता आईपीओ निष्कासन हुँदै

काठमाडौं–पुँजी बजारमा एक पछि अर्को कम्पनीले प्राथमिक शेयर (आईपीओ) जारी गरेका छन् ।

तीन वटा कम्पनीले करिव डेढ अर्ब रुपैयाँको आईपीओ जारी गर्ने भएका छन् ।
नेपाल धितोपत्र बोर्डले ३ जलविद्युत कम्पनीलाई आईपीओ निष्काशनको स्विकृति दिएको हो ।

जसअनुसार न्यादी हाइड्रोपावर, साहस ऊर्जा र बुद्धभुमी नेपाल हाइड्रोपावरले आईपीओ निष्काशनको अनुमति पाएका हुन् ।

बोर्डले यी ३ कम्पनीलाई स्थानीय र सर्वसाधारण गरी कुल १ करोड ५७ लाख ५० हजार कित्ता आईपीओ जारी गर्ने अनुमति दिएको हो ।

न्यादीले जारी पुँजीको २७ प्रतिशत अर्थात् ४० करोड ५० लाख रूपैयाँको ४० लाख ५० हजार कित्ता सेयर आईपीओको रूपमा बिक्री गर्दैछ ।

न्यादीको सेयर निष्काशन तथा बिक्री प्रबन्धन ग्लोबल आईएमई क्यापिटल हो । यस्तै साहस ऊर्जा र बुद्ध भुमी नेपाल हाइड्रोले जारी पुँजीको ३०–३० प्रतिशत सार्वजनिक निष्काशन गर्दैछन् ।

साहस ऊर्जाले १ अर्ब ५ करोड रूपैयाँको १ करोड ५ लाख कित्ता र बुद्ध भुमी नेपाल हाइड्रोले १२ करोड रूपैयाँ बराबरको १२ लाख कित्ता सेयर निष्काशनको अनुमति पाएका हुन् ।

न्यादीले गत मंसिर १० गते बोर्डमा आईपीओ निष्कासनका लागि आवेदन दिएको थियो । यस्तै साहस ऊर्जाले मंसिर २४ गते र बुद्धभुमी नेपाल हाइड्रोपावरले माघ ८ गते आईपीओ निष्कासन गर्न निवेदन दिएका थिए ।

यो पनि पढ्नुहोस्
काठमाडौं । मैलुङ खोला जलविद्युत कम्पनीको आईपीओमा आवेदनको आईरो परेको छ ।

बिक्री खुला भएको दोस्रो दिन कम्पनीको आईपीओमा ११ लाख ५८ हजार ५८५ जनाले आवेदन भरेका छन् ।उक्त आईपीओमा १ अर्ब ६० करोड ५७ लाख ३४ हजार रुपैयाँ बराबरको १ करोड ६० लाख ५७ हजार ३४० कित्ताका लागि आवेदन परेको हो ।

कम्पनीले ७ करोड ३६ लाख २८ हजार ६ सय रुपैयाँको आईपीओ निष्काशन गरेको हो । कम्पनीले प्रतिकित्ता एक सय रुपैयाँका दरले ७ लाख ३६ हजार २८६ कित्ता आईपीओ बिक्री गर्न लागेको हो ।

कुल सेयरमध्ये १४ हजार ७२६ कित्ता कर्मचारीहरुका लागि र ३६ हजार ८१४ कित्ता सामूहिक लगानी कोष र बाँकी रहेको ६ लाख ८४ हजार ७४६ कित्ता सर्वसाधारणलाई निष्काशन हुने कम्पनीले जनाएको छ ।

उक्त आईपीओमा न्युनतमा १० कित्ता र अधिकतम १ लाख कित्तासम्म आवेदन दिन सकिने कम्पनीले जनाएको छ । आइपीओमा साउन १८ गतेसम्म आवेदन दिन सकिने छ ।

उक्त अवधिमा माग अनुसार आवेदन नपरेको खण्डमा साउन २८ गतेसम्म आवेदन दिन सकिने छ ।

You May Also Like

Leave a Reply

Your email address will not be published. Required fields are marked *